我家有隻豬相公, 每朝番工時..佢都仲係到演奏緊交響樂...踢都唔收聲,不過今日..我諗左一個妙計..我用涷水洗手...跟住再摸佢奶奶.....YOYOYOYO~~~彈醒左~~勁開心..我九秒九閃走埋番工, 心情真係舒暢!!!就算你黑面...呵呵..我都見唔到~~YEAH~~~

啱啱個星期日同阿古佢地bbq勁開心,因為lei個係我婚後第一個bbq~~簡值係大解放.想食乜飲乜都唔使就住就住.因為...呵呵..唔講大家都知點解啦.~~所以特別開心過人!!!本來諗住當晚唔番將軍澳,點知..我個彭老爺唔肯,由於我成日都會番入屯門..所以小妹只好乖乖聽命,十二點半番到將軍澳..一開門!!!彭老爺未返..又唔知死左去邊到玩~~不過我都冇理啦,因為已經好攰.只想快d沖完涼就瞓..最好連頭都唔使沖添..呵呵!!!點知佢一番黎就阻住我沖涼....攪乜佢個日咁開心,痴住晒.....就咁..本來一心諗住一點瞓得...變成二點幾先瞓得!!

第朝..真係勁眼瞓..不過諗番尋晚..只不過冇見兩日咋ma,嘻嘻~~自己都係到偷笑...

新婚生活第14天,但我已經回老家了.未到門口..和好友坐上村巴那一刻已經感到多舒服!!所以即使有人同我講,我要分娘家及家.我都會狠狠地同佢講,我冇娘家.只有一個就係擁有我回憶的家.婚後只不過係多左一頭住家而已,好多人都覺得我好奇怪.有問題唔應該咁諗.但我就係咁様.而且這樣并不代表我不喜歡婚後的家及家人!!!

可能有人會覺得時間耐左就唔會咁諗.但我可以肯定咁講~就算時間耐左,接受了現在的生活也好.我會話比人知我住將軍澳.但始終屯門是我家!!

話我傻,又如何~每人感受各有不同!

2007人生最重要的一年, 整整一年腦海只有28/12這日子, 身邊發生的事,每天想著的事,行街所睇的事, 家庭會議所傾的事, 朋友間相討的事, 無不關於我shan chan的婚禮!!那天14-2-2006的晚上, 你求婚了, 14-2-2007的晚上,你送給我介子~28/12晚上宣讀誓詞時...我終於流淚了.那一剎才感到多麼的真實.我要嫁人了!! 那晚在門外等待入場時..我十分緊張..死忍淚水,看著爸爸...不想嫁了..看著媽媽...我要回家...看著哥哥,表兄弟姊妹...我已經大個女了....這一年來我感受了好多野,朋友,事業, 家庭,都係人生其中一部份~但最重要是如何令自己快樂才最重要, 我真正明白到我唔能夠再傻傻更更咁過~~

2008變動的一年,也是我人生另一個開始,我希望自己投入到新生活,我訂下既目標,今年我一定要成功~加油啦, 彭師奶!!!!!

 在此~十分感謝為我婚禮所付出的朋友們~謝謝~~love alls~~